SUGIH LAN MELARAT..

Mangkat ngiring temanten wae wis ketok bedo..

Ibu-ibu nek ngiringi temanten iyo di bedak-bedakke, sing sugih bolo sugih, sing melarat yo di kelumpukke karo melarate..
 

Sing sugih-sugih di tumpakke mobil sing apik-apik, mobil mewah-mewah, bangsane mobil Jenio, Pajero, Hamer, Lenkruser, Portuner, Penter, Inova, Avansa, Senia, Merci, Epivi, Cervi, Terios, Rus, Honda Jes, iku sing sugih-sugih..

Sing numpak mba Sinta, mba Widia, mba Yanti, mba Tuti, mba Mike, mba Ema, mba Erna, mba Tasya, mba Sindi, mba Alda, mba Risma, mba Siska, mba Susi, mba Lili..

Tapi yen balanne Sundari, Ratemi, Supiah, Tasmining, Rumijah, Paenah, Katoyah, Sumiati, Sumiatun yo mung nganggo kol bak (kol bukaan) iku tumpakane, yen perlu diusungi nganggo Tossa (motor roda 3 seng mburi ono bak'e).

Pancen ora podo..

Sangune wae ora podo, sing sugih-sugih numpak mobil mewah, sangune yo enak-enak.. 

Buah Pir, Apel, Jeruk, Duren, Duku, Kelengkeng, Anggur..

Ngombene yo Fanta, Koka-kola, Sprait, Maison karo Pokari swit.. 

Iku wong sugih.. 

La sing melarat-melarat numpak kol bak sangune yo Ote-ote, Onde-onde, Lemper, Gedang goreng, Tahu isi, Tempe gembos, Lomboke uakeh.. 

Ngombene Es Teh diwadahi plastik, taleni cokot pojokane..

Tekan pangggonane temanten yo bedo..

Sing mudhun soko mobil apik yo ketok gandes, luwes, lemes, pantes, pancen wong sugih.. 

Mudhun nganggo sandal jinjit dowo koyo artis, dengkule di ciutke, bokonge di jentitke, susune di unjukke (menthek-menthek), gelungane rambut guede podo koyo bane mobil Praoto..

Mudhun nyangklong tas karo nyekeli dompet, mlakune tit.. njentit.. njentit..njentit.. njentit..

Mlaku karo pamer gelang nganti iso muni gelange krimpying.. krimpying.. krimpying.., gela-gelo, lambene mencap-mencep..

La sing melarat..

Mudhun soko kol bak wis ora rupo manungso, lambene nyonyor kabeh, mergo entek ote-ote enem lomboke pat likur, mongah-mongah lambene njedir kabeh, jontor dewe-dewe..

Rambute mosak-masik keno angin, keringet meruntus drodosan sesek-sesekan ono duwur kol bak..

Celake ndelewer tekan pipi, lipstik munggah nyang mripat..

Mudhun soko kol bak sandal jepit nganti iso kleru, sing tengen sandale rupane abang, sing kiwe rupane kuning.. 

Ngono wae isih dikongkon nyangking kerdus..☺☺☺

(wirJO SOEMarto)